၁။ မျက်ရည်ယိုဗုံး ပစ်ခံရသည့်အခါ အငွေ့များ မထိမိစေရန်/မရှူမိစေရန် အတတ်နိုင်ဆုံး လုပ်ပါ။

(ရေစိုဝတ်အပါးဖြင့် ခေါင်းကို လုံအောင်ပတ်ထားပါက မျက်လုံးစပ်ခြင်း/မျက်နှာစပ်ခြင်းကို သက်သာစေပါသည်။)

၂။ အငွေ့များ ထိသွားလျှင် ထိသည့်နေရာကို ရေဆေးချပါ။ အ၀တ်/ဆွဲကြိုးများ ထိလျှင် ထိသည့်ပစ္စည်း အကုန်လဲပါ။ အ၀တ်လဲချိန် ခန္ဓာကိုယ်ကို ပိုမထိမိစေရန် တစ်ခါသုံး လက်အိတ်စွပ်ပြီး လဲလျှင် ပိုကောင်းပါသည်။

၃။ အငွေ့များထိသည့် ခန္ဓာကိုယ် အစိတ်အပိုင်းကို ရိုးရိုးရေဖြင့် အနည်းဆုံး ၁၅မိနစ်မှစ၍ သက်သာသည်အထိ ဆေးပေးပါ။

မျက်လုံးအား ဘုံဘိုင်ရေ၊ နွားနို့၊ အခြားဖျော်ရည်များဖြင့် မဆေးပါနှင့်။
ရေသန့် (သို့) NS (အကြောသွင်း ဆေးရည်) ဖြင့် ဆေးပေးပါ။
မျက်လုံးကို လုံးဝ လုံးဝ မပွတ်ပါနှင့်။

၄။ အရေပြားလောင်လျှင် အရေပြားကို စတီးရွိုက်လိမ်းဆေး လိမ်းပေးပါ။ အကယ်၍ ၀ယ်မရလျှင် လိုးရှင်း (Lotion) အေးအေး ၁ခုခု လိမ်းပေးပါ။ ပရုတ် (menthol) ပါတာ မလိမ်းရပါ။

၅။ မျက်ရည်ယိုဗုံး အငွေ့ရှူမိလျှင် ဗင်တိုလင်/Ventolin (Salbutamol) ရှူဆေးကို အသုံးပြုနိုင်သည်။ ၄ခါ ရှူသွင်း မျိုချပေးပါ။ ခဏစောင့်ပြီး မသက်သာလျှင် ၄ခါ၁ကြိမ် ထပ်ရှူပေးပါ။ ရှူပြီးလျှင် အရက်ပြန်ဖြင့် သုတ်ပြီး ခဏထားကာ ပိုးသတ်ပေးပါ။

၆။ မျက်လုံးနီခြင်း/စပ်ခြင်း ဖြစ်၍ မသက်သာလျှင် မျက်ရည်တု (Cool Eye) အကြိမ်များများ ထည့်ပေးပါ။ နာရီခြား မိနစ်ခြား၍ ထည့်လို့ရပါသည်။

(Menthol - ပရုတ် ပါသော မျက်ရည်တု (ဥပမာ - VRhoto မျက်စဉ်း) နှင့် Steroid မျက်စဉ်းများ အသုံးမပြုရပါ။)