၁။ ဒဏ်ရာကို ရှင်းရှင်းလင်းလင်း မြင်ရစေရန် လိုအပ်လျှင် အဝတ်များကို ဖယ်ပစ်ပြီး ဒဏ်ရာပေါ်ကို ရေသန့် (သို့) NS (အကြောသွင်း ဆေးရည်) များများဖြင့် လောင်းပါ။

၂။ Pressure Dressing ထည့်ရန် သွေးထွက်သည့် နေရာကိုရှာ၍ လက်ဖြင့်ဖိကာ ပတ်တီးစအရှည်ကို အဖျားမှ စ၍ ဒဏ်ရာအပေါက် ပြည့်သည်အထိ ဆက်တိုက် ထိုးထည့်သွားပါ။ သွေးတိတ်စေရန် ၃မိနစ်ခန့် (သို့) သွေးတိတ်သည်အထိ အပေါ်မှ ဖိပေးပါ။ ထို့နောက် ပတ်တီးကြပ်ကြပ် စည်းပေးပါ။

(ပတ်တီးစ တစ်လိပ်နှင့် မလောက်လျှင် နောက်တစ်လိပ်နှင့် အနားတွင် ချည်၍ ဆက်တိုက် ထပ်ထည့်သွားနိုင်သည်။)

၃။ သွေးထွက်များနေသော ခြေထောက်/လက် ကို မြှောက်ထားပေးပါ။

၄။ သွေးမတိတ်သေးလျှင် tourniquet (ကြိုးပတ်/ကြပ်စည်း) စည်းပါ။ မရှိလျှင် အဝတ်စအရှည်/ကြိုးကို သုံးပါ။ ဒဏ်ရာ အထက် ၂ လက်မအကွာမှ အဝတ်စ/ပတ်တီးစဖြင့် သွေးတိတ်သည်အထိ ခပ်ကြပ်ကြပ်စည်းပါ။

(joint/အဆစ်နေရာတွင် မစည်းရပါ။ ကြပ်စည်းသည့်အခါ ပိုပြီးအားသက်ရောက်မှု ရှိစေရန် တုတ်ချောင်းခံ၍ တုတ်ချောင်းကို လှည့်သွားပြီး စည်းပေးပါ။)

၅။ စတင်စည်းသည့်အချိန်ကို မြင်သာသော နေရာတွင် marker pen (ဆော့ပင်) ဖြင့်ရေးပေးလိုက်ပါ။

၆။ စည်းထားသော tourniquet (ကြိုးပတ်/ကြပ်စည်း) အား ၂ နာရီခြားတစ်ခါ သွေးအလွန်အကျွံမထွက်တော့လျှင် လျှော့ပေးပါ။

(ခံထား/ထည့်ထားသော အဝတ်စ/ပတ်တီးစများကို သွေးတိတ်သွားလျှင်လည်း မဖယ်ပါနှင့်။ ထိုအဝတ်များ အပေါ်မှသာ ထပ်ထပ်တင်ပြီး ဖိခြင်း ပတ်တီးစည်းခြင်းများ ပြုလုပ်ပေးပါ။)

၇။ Tourniquet (ကြိုးပတ်/ကြပ်စည်း) အား ၆နာရီကျော် ဆက်တိုက်စည်းထားလျှင် ထိုစည်းထားသော ခြေ/လက် ကို ဆုံးရှုံးရနိုင်သည်။

၈။ နီးစပ်ရာ ဆေးရုံ ဆေးခန်းများသို့ နံပါတ်တစ် ဦးစားပေး ခေါ်ဆောင်သွားပေးပါ။ ခွဲခန်းဖြင့် ခွဲပေးနိုင်သော နေရာကိုသာ တန်းခေါ်သွားပေးပါ။

သွေးတိတ်စေရန် ပတ်တီးစည်းနည်းကို အောက်ပါ YouTube ဗီဒီယိုတွင် ကြည့်ရှုနိုင်ပါသည်။

(အင်တာနက်ရှိရန်လိုအပ်ပါသည်။)

Bleeding Control - သွေးထိန်းပတ်တီးစည်းနည်းကို အောက်ပါ YouTube ဗီဒီယိုတွင် ကြည့်ရှုနိုင်ပါသည်။

(အင်တာနက်ရှိရန်လိုအပ်ပါသည်။)

Tourniquet - ခြေပြတ်လက်ပြတ်လူနာအားစီမံနည်းကို အောက်ပါ YouTube ဗီဒီယိုတွင် ကြည့်ရှုနိုင်ပါသည်။

(အင်တာနက်ရှိရန်လိုအပ်ပါသည်။)