လူနာ၏အခန်းသို့ မဝင်ရောက်ခင် ကိုယ်တိုင် mask တပ်ရန်နှင့် လူနာအား mask တပ်ခိုင်းထားရန် အရေးကြီးပါသည်။ ပြီးမှသာ သန့်ရှင်းရေး လုပ်ရပါမည်။

လူနာအခန်းသို့ သန့်ရှင်းရေး ပြုလုပ်မည့်သူသည် PPE၊ mask ၊ လက်အိတ်များကို စနစ်တကျ ဝတ်ဆင်ရန် လိုအပ်ပါသည်။ PPE ဝတ်စုံအား စနစ်တကျ ဝတ်ခြင်း နည်းလမ်းကို အောက်ပါ video clip တွင်ကြည့်ရှုနိုင်ပါသည်။

ထို့နောက်တွင် လူနာ၏ နေရာနှင့် အသုံးပြုထားသော ပစ္စည်းများကိုသာ ပိုးသတ်ဆေးဖြန်းခြင်းကို လုပ်ဆောင်ပြီး လူနာနှင့်တိုက်ရိုက် ထိတွေ့ခြင်းမျိုးကို တက်နိုင်သမျှ ရှောင်ရှားရပါမည်။

လူနာ၏ အခန်းကို လေဝင်လေထွက် ကောင်းစေရန် တံခါးပေါက်ဖွင့်ခြင်း၊ ပန်ကာဖွင့်ခြင်းများကို ပြုလုပ်သင့်ပါသည်။

လူနာစားသောက်ပြီးနောက် ပန်းကန်များ၊ အသုံးအဆောင်များကို ဆေးကြောပါက လက်အိတ်၊ mask၊ face shield များကို သေချာစွာ တပ်ထားရန် လိုအပ်ပါသည်။

ထို့နောက် ပန်းကန်၊ အသုံးအဆောင်များကို ဆပ်ပြာ၊ ရေနွေး (hot water) ဖြင့် ဆေးကြောပေးပါ။

သန့်ရှင်းရေးပြုလုပ်ပြီးပါက လက်ဆေးရန်နှင့် လက်အိတ်၊ mask များကို ချွတ်ပြီးပါကလည်း လက်ဆေးရန် လိုအပ်ပါသည်။

လူနာ၏ အသုံးပြုထားသော အဝတ်အစားကို လျှော်ဖွတ်ရာတွင် ရေနွေးနှင့် detergent ပါဝင်သော အဝတ်လျှော် ဆပ်ပြာများဖြင့် လျှော်ရန် လိုအပ်ပါသည်။ လျှော်ဖွတ်ရာတွင်လည်း mask၊ လက်အိတ်များကို ဝတ်ဆင်ထားရန် လိုအပ်ပါသည်။

လူနာအသုံးပြုထားသော ပစ္စည်းအမှိုက်များကို အမှိုက်အိတ်ပေါ်တွင် အမှတ်အသား ပြုလုပ်ပေးပြီး သတ်မှတ်ထားသော နေရာတွင် စနစ်တကျ စွန့်ပစ်ပေးရပါမည်။

အမှိုက်အိတ်များကို ကိုင်တွယ်စွန့်ပစ်ရာတွင်လည်း လက်အိတ်၊ mask ကိုဝတ်ဆင်ထားရပါမည်။

အမှိုက်ပစ်ပြီးလျှင်လည်း လက်ကိုပြန်လည်ဆေးပေးရန် လိုအပ်ပါသည်။