အဖြစ်များသော ရောဂါလက္ခဏာများမှာ

- အဖျားကြီးခြင်း (≥100 F)
- ချောင်းခြောက်ဆိုးခြင်း
- အားအင်ကုန်ခမ်းခြင်း၊ ပင်ပန်းနွမ်းနယ်ခြင်း
- အသက်ရှုကြပ်ခြင်း
- ဝမ်းပျက်ဝမ်းလျှောခြင်း
- အနံ့မရခြင်း၊ အရသာ မရခြင်း

အချို့လူနာများတွင်

- သလိပ်ထွက်ခြင်း
- မောခြင်း
- လည်ချောင်းနာခြင်း
- ခေါင်းကိုက်ခြင်း
- အန်ခြင်း
- မျက်လုံးနီရဲခြင်း
- ကြွက်သားနှင့် အဆစ်အမြစ်များ နာကျင်ခြင်း
- အရေပြားတွင် အနီကွက်များထွက်ခြင်း

ရောဂါပိုး ဝင်ရောက်ချိန်မှ ရောဂါလက္ခဏာ ပြသော အချိန်အထိ (၁)ရက်မှ (၁၄)ရက်အထိ ကြာတတ်ပြီး အများစုမှာ (၄-၅) ရက်အတွင်း လက္ခဏာ ပြတတ်ပါသည်။

အအေးမိ တုပ်ကွေး‌ရောဂါနှင့် COVID-19 ရောဂါ လက္ခဏာ များမှာ အများစု တူညီပါသည်။

ခွဲခြားရန် အလွန်ခက်ပါသည်။ ဖြစ်ကာစတွင် ဖျားခြင်း၊ နှာစေး ချောင်းဆိုးခြင်းများ ရှိနိုင် သော်လည်း COVID-19 ရောဂါတွင် အဖျားကြီးခြင်း၊ ချောင်းခြောက်ဆိုးခြင်း နှင့် အသက်ရှုကြပ်ခြင်း လက္ခဏာများမှာ ပိုမိုတွေ့ရှိ ရတတ်ပါသည်။

ထိုလက္ခဏာများ ခံစားရလျှင် မိမိတို့ဒေသအလိုက် သက်ဆိုင်ရာ မြို့နယ်တယ်လီကျန်းမာ (Telehealth) မှတဆင့် (သို့မဟုတ်) ဖုန်းနံပါတ်သို့ခေါ်ဆိုပြီး ကျန်းမာရေးဝန်ထမ်း တစ်ဦးနှင့် ဦးစွာတိုင်ပင်ပါ။

ဖုန်းဖြင့်တိုင်ပင်ပြောဆိုခြင်း မပြုလုပ်ရသေးဘဲ ဆေးရုံ၊ ဆေးခန်းသို့ တိုက်ရိုက်မသွားသင့်ပါ။

မိမိနေအိမ်တွင် လက်ဖျားထိပ် အောက်ဆီဂျင် တိုင်းတာသည့် ကိရိယာ (Pulse Oximeter) နှင့် ကိုယ်အပူချိန်တိုင်း ကိရိယာ (Thermometer) ကို ဆောင်ထားရန် လိုအပ်ပါသည်။

လက်ဖျားထိပ် အောက်ဆီဂျင် ပြည့်ဝနှုန်း (SpO2) ၉၂% နှင့် အောက်ဆိုလျှင် နီးစပ်ရာ ဆေးကုသရေး ဌာနများသို့ သွားရောက်၍ ဆေးရုံတက်ရောက် ကုသရန် လိုအပ်ပါသည်။