ဤနည်းလမ်းကို နှလုံးရောဂါ၊ ကြောရိုးဆစ်ရောဂါလို ပြဿနာမျိုး မရှိသူ၊ ကိုယ်ဝန်မရှိသူ သာမန်လူကောင်း အောက်ဆီဂျင်ပမာဏ ပိုမိုလိုအပ်နေသူသာ အသုံးပြုရပါမည်။

လူနာသည် လုံးဝ သတိမေ့နေလျှင် (သို့မဟုတ်) SpO2 90 % အောက်ရောက်နေလျှင် ဆေးရုံသို့သာ အမြန်ဆုံး ပို့ဆောင် ပေးရပါမည်။
အဝလွန်လွန်းတဲ့လူနာတွေ ကြွက်သားသွေးပြန်ကြော သွေးခဲတဲ့ ရောဂါရှိသူတွေအတွက် ကျွမ်းကျင်သူ အကြံဉာဏ်မပါဘဲ မသုံးသင့်ပါ။

အောက်ပါပုံအတိုင်း အဆင့် (၅) ဆင့်ကို လုပ်ဆောင်ပါ။

မည်သည့် ကိရိယာမှ မလိုပါ။ ခေါင်းအုံးရှိရင်ကို ရပါပြီ။ လူနာကိုအချိန်မှန်မှန် အနေအထားပြောင်းလဲပေးနိုင်ရန် ဘေးကတစ်ယောက်ကသတိပေးပါ။

အနေအထား (၁)

လူနာကို မှောက်လျှက် အနေအထားအတိုင်း ပြင်ညီအိပ်ရာပေါ်မှာ မိနစ် (၃၀) ကနေ ၂ နာရီအထိ လူနာနေနိုင်သလောက် နေခိုင်းပါ။ (မွေ့ရာပါလည်း ရပါသည်။ ပုံထဲကအတိုင်းကြည့်၍ လုပ်ဆောင်နိုင်ပါသည်။)

ယေဘူရအားဖြင့် မှောက်လျက်အနေအထားပြုလုပ်ရာတွင် ဦးခေါင်းအောက်တွင် ခေါင်းအုံး တစ်လုံး၊ ရင်ဘက်အောက်တွင် တစ်လုံး၊ ခါး ပေါင်ရင်း အောက်တွင် တစ်လုံး၊ ပေါင် (သို့) ခြေသလုံး အောက်တွင် တစ်လုံး လိုအပ်ပါသည်။ လိုအပ်ပါက လက်အောက်တွင်ပါ တစ်လုံး ထားနိုင်ပါသည်။

အနေအထား (၂)

ညာဘက်ကို စောင်းပြီး မိနစ် (၃၀) ကနေ ၂ နာရီအထိ နေခိုင်းပါ။ သက်တောင့်သက်သာအနေအထားဖြင့် ညာဘက် ဘေးစောင်းပုံစံဖြစ်သည်။ ဦးခေါင်းအောက်တွင် ခေါင်းအုန်းတစ်လုံး လိုအပ်သည်။

အနေအထား (၃)

လူနာကို ကျောစောင်းစောင်းလေး အနေအထားနဲ့ ထိုင်ခိုင်းပြီး မိနစ် (၃၀) ကနေ ၂ နာရီအထိ နေခိုင်းပါ။
(၃၀ ကနေ ၆၀ ဒီဂရီလောက် ခပ်စောင်းစောင်းလေး လှဲထိုင်နိုင်အောင် လုပ်ပေးပါ။)

အနေအထား (၄)

ဘယ်ဘက်ကို စောင်းပြီး မိနစ် (၃၀) ကနေ ၂ နာရီအထိ နေခိုင်းပါ။ သက်တောင့်သက်သာအနေအထားဖြင့် ဘယ်ဘက် ဘေးစောင်းပုံစံဖြစ်သည်။ ဦးခေါင်းအောက်တွင် ခေါင်းအုန်းတစ်လုံး လိုအပ်သည်။

အနေအထား (၅)

ပထမဆုံး အနေအထားအတိုင်း လူနာကို မှောက်လျှက် ပြင်ညီအိပ်ရာပေါ်မှာ မိနစ် (၃၀) ကနေ ၂ နာရီအထိ လူနာနေနိုင်သလောက်နေခိုင်းပါ။

အဲ့ဒီအတိုင်း (၁) ကနေ (၅) အထိလှည့်ပြီး နေသွားခိုင်းပါ။

အဓိက ရည်ရွယ်ချက်မှာ လူနာအား အသက်ရှူရာတွင် လွယ်ကူသက်သာစေရန် သက်တောင့်သက်သာ ဖြစ်စေရန် ဖြစ်သည်။

သက်တောင့်သက်သာ မဖြစ်ပါက ပုံစံအနေအထား ခေါင်းအုန်းအနေအထား၊ အရေအတွက်များ ချိန်ညှိရန် လိုအပ်ပါသည်။

အစာစားပြီးချိန် တစ်နာရီအတွင်း မလုပ်သင့်သေးပါ။

သွေးထဲက အောက်ဆီဂျင်ပမာဏ ရာနှုန်းတိုင်းတဲ့ SpO2 တိုင်းစက် အတတ်နိုင်ဆုံး မှန်ကန်တိကျဖို့ လိုအပ်ပါသည်။

ဤနည်းလမ်းမှာ သွေးတွင်းအောက်စီဂျင် 94% အောက် ရောက်နေသူများ အတွက်သာ ဖြစ်ပါသည်။ 90% အောက် ရောက်နေပါက ဆေးရုံသို့သာ ခေါ်ဆောင်သွားပေးပါ။ ဆေးရုံသို့သွား၍ မရပါက နီးစပ်ရာ ဆရာဝန်ကို အမြန်ဆုံး ဆက်သွယ်ပါ။